Archive for ઓગસ્ટ, 2012

કારણ શું પછી !

બંધારણ – લગાગાગા લગાગાગા લગાગાગા લગા
કાફીયા  – એકાક્ષરી કાફીયા- શું,છું,તું વગેરે.

બધું ક્યારેક તો છોડી જવાનો છું પછી,
ધમાલો આટલી કરવાનું કારણ શું પછી !

હજારો સંત સાધુઓ પધારે છે અહીં,
કરી લે ફંડ ફાળો,કોણ તું ને હું પછી.

ઘણી વાતો કરે છે શાણપણની આમ તો,
અમલ એકેય બાબતનો કરે છે તું પછી ?

ભલે મારે બડાશો બહાર એ લોકો સમક્ષ,
કરી શકતો નથી આવીને ઘરમાં,ચું પછી.

કરો વિશ્વાસ ‘મન’, પણ ચેતતા રહેજો જરા,
સુંવાળા સાપ પાળો તો કરે છે ફૂં પછી.

ઓગસ્ટ 18, 2012 at 2:55 એ એમ (am) 10 comments

છટકી જવાય ના.

ફરી એક વાર આપનો આ દોસ્ત વર્ડપ્રેસ ઉપર હાજર છે એક નવી-તાજી ગઝલ સાથે.

 

આટલે આવીને તો અટકી જવાય ના,
સાથ છોડી રાહમાં છટકી જવાય ના.

ભૂલભૂલૈયા ભરેલી રાહમાં જરા
સાચવીને ચાલજો ભટકી જવાય ના

લાગણી નાજુક તમારી કાચ જેવી છે
ઠેસ લાગે તો પછી બટકી જવાય ના.

એમ તો ચાલ્યા કરે રુસણાં મનામણાં
વાતવાતે હાથને ઝટકી જવાય ના

વાર લાગે છે ઘણી ‘મન’ પારખી લેતાં,
ડાળ નીચી જોઇને લટકી જવાય ના.

ઓગસ્ટ 2, 2012 at 11:02 પી એમ(pm) 27 comments


Enter your email address to subscribe to this blog and receive notifications of new posts by email.

Join 12 other followers

તાજેતરની પોસ્ટ્સ

પૃષ્ઠો

Blog Stats

  • 7,468 hits
ઓગસ્ટ 2012
સોમ મંગળ બુધ ગુરુ F શનિ રવિ
« ફેબ્રુવારી   ઓક્ટોબર »
 12345
6789101112
13141516171819
20212223242526
2728293031  

%d bloggers like this: