લો,હવે લો શ્વાસ.
માર્ચ 12, 2010 at 3:25 પી એમ(pm) 12 comments
મિત્રો, આજે ફરી એક તાજી રચના પેશે-ખિદમત છે.
લો,હવે લો શ્વાસ ને બેસો ઘડી,
દોડવા માટે પડી છે જીંદગી.
જોઈએ તમને પૂરાવા પ્રેમના,
શું કરું તો થાય તમને ખાતરી !
માનવી છે,માનવીનું શું ગજું ?
ક્યાંક તો અવળી પડે છે ગણતરી.
હક-ફરજનો મેળ જો સચવાય તો,
ક્યાં કશી ફરિયાદની રહે છે વકી !
‘મન’હવે ધરપત ધરીને બેસ તું,
આટલી ઓછી પડે છે સાહ્યબી ?
Entry filed under: 1.
12 ટિપ્પણીઓ Add your own
Leave a reply to Narendra Jagtap જવાબ રદ કરો
Trackback this post | Subscribe to the comments via RSS Feed
1. P Shah | માર્ચ 12, 2010 પર 5:15 પી એમ(pm)
જોઈએ તમને પૂરાવા પ્રેમના,
શું કરું તો થાય તમને ખાતરી !…
સુંદર ગઝલ !
મત્લાનો પહેલો મિસરા આમ લખીએ તો-
લો, હવે લો શ્વાસ બેસો બે ઘડી,
2. વિવેક ટેલર | માર્ચ 12, 2010 પર 5:50 પી એમ(pm)
જોઈએ તમને પૂરાવા પ્રેમના,
શું કરું તો થાય તમને ખાતરી !
– આ શેર ખૂબ ગમી ગયો…
3. narendrajagtap | માર્ચ 12, 2010 પર 7:45 પી એમ(pm)
હક-ફરજનો મેળ જો સચવાય તો,
ક્યાં કશી ફરિયાદની રહે છે વકી …..આ ગઝલનો ઉમદા શેર છે… ઓલ ઓવર આખી ગઝલ ખુબ જ સરસ બની છે……
4. vijayshah | માર્ચ 12, 2010 પર 9:17 પી એમ(pm)
હક-ફરજનો મેળ જો સચવાય તો,
ક્યાં કશી ફરિયાદની રહે છે વકી !
ekadam saach vaat…
mazaa aavi gai
5. ડૉ.મહેશ રાવલ | માર્ચ 13, 2010 પર 2:18 એ એમ (am)
સરસ ,મનહરભાઈ
અભિનંદન.
એક વાત અહીં જણાવવાની રજા લઉં કે, છંદના હિસાબે છેડે આવતાં
ગાલગા માં ગણતરી જરા કઠ્યું.
ગણ ત રી … કાં ગ ણત રી કેમ ગોઠવવું?
મેં અત્યારસુધી લગાગામાં લીધું છે ગણતરી કદાચ એટ્લે……..
પણ વિચારી જોજો-શીખીશું એકબીજાના સહારે
6. Pancham Shukla | માર્ચ 13, 2010 પર 6:25 એ એમ (am)
સરસ ગઝલ છે.
મહેશભાઈએ કહ્યું એમ ગણતરીને મોટાભાગના અરૂઝપરસ્ત ગઝલકારો લગાગા માપમાં લેશે.
મારા અંગત મત મુજબ એને ગાલગા માપમાં પણ લઈ શકાય. એ તો તમે કઈ રીતે પઠન કરો છો એના પર આધાર રાખે છે. એજ રીતે ‘ગઝલ શબ્દને હું લગા કે ગાલ માપમાં લઉં છું- બિલકુલ વ્યવસ્થિત પઠન કરીને.
7. Daxesh Contractor | માર્ચ 13, 2010 પર 10:42 એ એમ (am)
જોઈએ તમને પૂરાવા પ્રેમના,
શું કરું તો થાય તમને ખાતરી !
સુંદર …
8. Kirtikant Purohit | માર્ચ 13, 2010 પર 1:01 પી એમ(pm)
સારી ગઝલ છે .ડો. મહેશ્ભાઇ સાથે હું સહમત છું. ગણત્રી લગાગા વધારે સારું છે.મચકોડીને ઉચ્ચાર્તાં કઠે.
ક્યાંક અવળી પણ પડે ગત આપણી …… એમ લ્યો તો!
9. jagadishchristian | માર્ચ 14, 2010 પર 7:52 એ એમ (am)
સરસ ગઝલ. બધા શેર ગમી ગયા.
10. Narendra Jagtap | માર્ચ 21, 2010 પર 3:04 પી એમ(pm)
બધા જ મિત્રોની કોમેંટ વાચી ..છતાં ડો.મહેશભાઇ સાથે વધારે સંમત થાવુ છું છતા પંચમ શુક્લજી જે વાત કરી ગઝલ ની… તો ગઝલ તો લગા માં જ લેવાય …પ્રથમ અક્ષર લઘુ અને બાકીના બે ગુરુ …મનહરભાઇ ની ગઝલે તો બધાને હીલોળે ચડાવી દીધા…સરસ ગઝલ…
11. Rabari | એપ્રિલ 26, 2010 પર 1:28 પી એમ(pm)
bahuj saras che.. keep it up
12. Anil Limbachiya | જૂન 19, 2010 પર 6:11 પી એમ(pm)
જોઈએ તમને પૂરાવા પ્રેમના,
શું કરું તો થાય તમને ખાતરી !
સુંદર …