Archive for જાન્યુઆરી, 2010

જીવું છું હું…

મિત્રો,

આજે ફરી એકવાર યૌવનકાળની એક રચના મુકવાની ઈચ્છા છે.

ગઝલનો ભાવ જોજો. છંદ-બંધારણની છૂટછાટો – ક્ષતિઓ માટે ક્ષમા યાચના.

હ્રદયમાં યાદના ભંડાર દબાવીને જીવુ છું હું,
સ્મૃતિઓ તણી વણઝાર સજાવીને જીવુ છું હું.

તમને હોયે ખબર ક્યાંથી,જૂદાઈ ચીજ કેવી છે !
શમણાંઓ તણી લંગાર લગાવીને જીવુ છું હું.

હસે છે હોઠ પણ રડતું સદા હૈયુ રહ્યું મારું;
રૂદન ને હાસ્યનો સહચાર જગાવીને જીવુ છું હું.

સલામત રહે તમારા મહેલ ઊંચા ને મીનારાઓ,
અહીં તો પ્યારમાં ઘરબાર જલાવીને જીવુ છું હું.

કરમાયાં બધાં યે ફુલ મારા બાગે-દિલમાંથી,
અશ્રુસીંચન કરી ગુલઝાર હસાવીને જીવુ છું હું.

થયા છે ઘાવ ‘મન’પર એ રૂઝાઈ નથી શકતા,
મલમ-પટ્ટા તણા ઉપચાર લગાવીને જીવુ છું હું.

તા. ૨૨.૧૧.૧૯૬૬.

જાન્યુઆરી 16, 2010 at 2:41 પી એમ(pm) 9 comments


Enter your email address to subscribe to this blog and receive notifications of new posts by email.

Join 12 other followers

તાજેતરની પોસ્ટ્સ

પૃષ્ઠો

Blog Stats

  • 7,468 hits
જાન્યુઆરી 2010
સોમ મંગળ બુધ ગુરુ F શનિ રવિ
« ડીસેમ્બર   ફેબ્રુવારી »
 123
45678910
11121314151617
18192021222324
25262728293031

%d bloggers like this: